Paulit-Ulit

You didn't catch me when I fell for you. Bumagsak ako una nguso sa lupa at sobrang sakit.

Sabi ko di na muling mauulit.

Gagamitin ko na ang natitira kong brain cells na gumagana.

Inisip ko umiwas na lang para di na muling ma-aksidente pero matigas ang ulo ko.

Sabi ko di bale, magsusuot na lang ako palagi ng helmet at knee protector para kung madapa man ako eh di na ako gaanong magalusan.

Ngayon ultimo parachute na suot ko eh walang nagawa. Sumemplang pa din ako.

Nasasaktan pa rin kahit di naman dapat.

Sabi nga ng isa kong kaibigan, wala daw akong K. Alam ko naman iyon. Nakakaintindi naman ako kahit emo ako ng emo.

Siguro kelangan turukan ko ang aking sarili ng Epidural para kahit na anong gawin mo eh wala lang sa akin.

Pero sabi ni Carol nakaka-cause daw ito ng memory loss.

At sabi ko naman, Owedi mas mabuti. Para paggising ko eh di lang mawala iyong sakit, makakalimutan pa kita. It's like hitting 2 birds with one stone.

Magkakano kaya ang ganun?

Alam ko para akong si C na paulit-ulit. Kelangan ko na ng more more activity. Ang onti na lang kasi ng trabaho.

**Sinulat noong April 15, 2010